Paytaxtda Sabunçu Rayon Polis İdarəsi 42-ci Polis Bölməsi əməkdaşlarının keçirdikləri əməliyyat nəticəsində Nardaran qəsəbəsində yerləşən bağ evlərindən birindən oğurluq edən keçmiş məhkum paytaxt sakini Rüstəm Abdullayev tutulub. Onun həmin evdən televizor, 6 ədəd xalça və digər  məişət əşyaları oğurladığı məlum olub. Abdullayev ev sahibinə ümumilikdə 2000 manata yaxın maddi ziyan vurub. Polis bölməsində saxlanılan şəxsin üzərinə baxış zamanı 7 qrama yaxın maruxuana da aşkar edilib. Abdullayevin oğurladığı məişət əşyalarınını bir qismi yaşadığı evdən aşkar olunaraq maddi sübüt kimi götürülüb. 

Keçirilən digər əməliyyat zamanı isə Naradaran qəsəbəsində daha bir bağ sahəsindən 111 ədəd tikintidə istifadə olunan dəmir dirəklər oğurlayan dəstə üzvləri saxlanılıblar. Hadisəni törətməkdə şübhəli bilinən əvvəllər məhkum olunmuş Sitarə Bədəlova, onun oğlu Tehrab Bədəlov, qohumu Sahibə Mustafayevə, həmçinin Vüqar Abdullayev və Aqşin Əliyev tutulub. Dəstə üzvlərindən oğurladıqları dəmir dirəklər aşkar olunaraq maddi sübüt kimi götürülüb.

Hər iki faktla bağlı araşdırma aparılır.