Sərhədçilər son günlərdə 9 kq-a yaxın narkotikə bənzər maddənin ölkə ərazisinə gətiril­məsinin qarşısını alıblar. Dövlət Gömrük Komitəsinin əməkdaşları ilə birgə Cəlilabad rayonu Kürünc kəndi yaxınlığında yerləşən sərhəd zastava­sının xidməti sahəsində keçirilən əməliyyat-axtarış tədbirləri nəticəsində 1 ədəd sahibsiz bağlama aşkarlanıb. Bağlamada 5 kq 900 qram “tiryək”, 1 kq 700 qram “metamfe­tamin” və 750 qram “heroin”ə oxşar maddə olması müəyyən­ləş­dirilib. Bundan əlavə, Xəzər dənizinin cənub istiqamətində sərhəd gözətçi gəmisi tərəfindən dəniz istiqamətləndirici nişanına bağlanılmış 1 ədəd torbanın içərisində çəkisi 570 qram “marixuana”ya oxşar maddə və 2 blok siqaret aşkarlanaraq götürülüb. Dövlət Sərhəd Xidməti və Daxili İşlər Nazir­liyi əmək­daşlarının sərhədboyu ərazilərdə keçirdikləri təd­birlər nəticə­sində Astaranın Alaşa kəndi ərazisində su kanalında gizlədilmiş 1 ədəd “Perfecta” markalı tapança, Qəbələ rayonunun Tikanlı kəndi ərazisində 1 ədəd təklüləli ov tüfəngi və ona məxsus 6 patron, Ağstafanın Sadıqlı kəndinin ərazisində isə 1 ədəd qoşalüləli ov tüfəngi aşkar olunub. Faktlar üzrə əməliyyat-istintaq tədbirləri davam etdirilir.