Sülh - sevincdir, səadətdir, şadlıqdır, xoş əhvali-ruhiyyədir! Erməni vandalizmi nəticəsində sülh quşu- ağ göyərçin də öldü. Yaşlılar, gənclər, ən əsas da uşaqların həlak olması dünyada sülhün bərqərarını sarsıtdı.  Cavadxan yurdu XXI əsrin ən çətin sınağından keçdi. Lakin bu, heç bir gəncəlini yerindən tərpədə bilməz. Hər kəs düşmən mərmiləri qarşısında alnıaçıq və cəsarətlə dayanıb. Körpəsini bağrına basaraq dəfn edən ata da, valideynləri itirən azyaşlılar da bu hadisələrdən şərəflə çıxmağı bacardı.