Azərbaycan üzrə yeni növ koronavirus infeksiyasına yoluxma göstəriciləri açıqlanıb. Ümumi yoluxma hallarının 56,1 faizi paytaxtın payına düşür. Gəncə-Qazax bölgəsi 4-cü yerdədir, göstərici 6,4 faizdir. Ən az yoluxma isə Naxçıvanda qeydə alınıb. Ölkədə koronavirusa yoluxanların 21 faizi 50-59 yaş arasında, 18 faizi isə 30-39 yaş arasında olan şəxslərdir. Xəstələr arasında qadınlar üstünlük təşkil edir. Ölkə ərazisində indiyə qədər 1 milyon 20 min 29 nəfərdə test aparılıb.