Yeni tədris ilində ilk dərslərin həsr olunacağı mövzular artıq məlumdur. Təhsil Nazirliyindən verilən məlumata görə, ilk dərslər I-IV siniflərdə “Gigiyena qaydalarına necə əməl edirəm?”, V-IX siniflərdə “Müstəqil öyrənmə bacarıqlarına yiyələnmək zamanın tələbidir”, X-XI siniflərdə “Məsuliyyətli vətəndaş qüdrətli dövlət deməkdir” mövzularında olacaq. 2020-21-ci dərs ilində tədris və təlim-tərbiyə prosesi Nazirlər Kabinetinin təsdiqlədiyi karantin rejimi dövründə tədris planları əsasında təşkil ediləcək.