Vəzifə səlahiyyətlərindən sui-istifadədə təqsirləndirilən Quba rayon İcra Hakimiyyəti başçısının Vladimirovka kənd İnzibati ərazi dairəsi üzrə nümayəndəsi İslam Abayevin barəsində başlanan cinayət işinin istintaqı yekunlaşıb. Cinayət işi baxılması üçün Quba rayon Məhkəməsinə göndərilib. İslam Abayev xüsusi karantin rejimi qaydalarının tətbiq olunduğu vaxtda vəzifə saxtakarlığı edərək ayrı-ayrı şəxslərə Qusar rayonuna getmələrinə dair qanunsuz arayışlar verməkdə təqsirləndirilir.