Qusarda canavarlar təsərrüfatlara hücum ediblər. Yırtıcılar Həsənqala kəndində 12 baş heyvanı parçalayıblar.

Qusarın Həsənqala kəndində canavarlar kənd sakinlərinə məxsus təsərrüfata hücum edib. Hadisə gecə saat 3-4 radələrində baş verib. Yırtıcılar kənd sakinlərin Şöhrət Nemətovun tövləsində 11 qoyun və keçini , Cavanşir Zeynalovun isə bir baş qoyununu parçalayıb.

Faktla bağlı Qusar Rayon Baytarlıq İdarəsinə və yerli icra qurumlarına məlumat verilib.

Həsənqala kəndində  iki ay öncə də   canavarların təsərrüfata hücumu qeydə alınıb.