Göygölün Topalhəsənli kəndində iki nəfərin vurulması ilə nəticələn yol-nəqliyyat hadisəsi baş verib. Kənd sakinləri 56 yaşlı Seda Məhərrəmova və qızı 34 yaşlı Əfsanə Məhərrəmova yolu keçmək istəyən zaman naməlum avtomobil tərəfindən vurulub. Müxtəlif bədən xəsarətləri alan ana və qızı Gəncə şəhər Təcili Tibbi Yardım Xəstəxanasının travmatologiya şöbəsinə gətirilib. Hər iki yaralıya tibbi yardım göstərildikdən sonra ambulator müalicəyə buraxılıb. Faktla bağlı araşdırma aparılır.