Ölkənin bəzi şəhər və rayonlarında karantin rejimi yumşaldılsa da həmin  ərazilərdə xidmət aparan polis əməkdaşları gücləndirilmiş iş rejimində fəaliyyətlərini davam etdirir. Polis əməkdaşları pandemiyanın qarşısının alınması istiqamətində marifləndirici tədbirlər həyata keçirir. Əməkdaşlarımız Naftalanda və Xocalıların müvəqqəti məskunlaşdığı qəsəbədə polisin fəaliyyətini gündəmə gətirir.

Koronavirus pandemiyasının yayılmasının qarşısının alınması məqsədilə Naftalan Şəhər Polis Şöbəsinin əməkdaşları da mütəmadi olaraq sakinlərlə maarifləndirici söhbətlər aparır, onları sosial izolyasiya qaydalarına riayət etməyə çağırırlar. Yerli poçt və bankların önündə yarana biləcək sıxlığı aradan qaldırmaq üçün xüsusi nəzarət həyata keçirilir. Vətəndaşlardan tibbi maskadan istifadə etmək, insanlarla təmas zamanı 2 metrlik ara məsafəsini saxlamaq tövsiyə olunub. Sakinlərə qoruyucu maskalar paylanılıb.

Xocalı rayon polis şöbəsinin əməkdaşları tərəfindən məcburi köçkünlərin məskunlaşdığı Goranboy rayonunun Ağcakənd qəsəbəsində koronavirus pandemiyasının əhatə dairəsinin genişlənməsinin qarşısının alınması məqsədi ilə mütəmadi qabaqlayıcı tədbirlər görülür. Polis əməkdaşları sosial müavinətlərin və təqaüdlərin verilməsi ilə bağlı bankomatların önündə insan sıxlığının qarşısını almaq üçün tədbirlər görülür, vətəndaşlara sosial məsafənin saxlanılmasının vacibliyi çatdırılır. 

Şəmsi Həsənli Xocalı RPŞ-nin sahə rəisi: Xocalı rayon polis şöbəsinin əməkdaşları gücləndirilmiş iş rejimində xidmətlərini davam etdirir. Əhali arasında davamlı olaraq proflaktiki söhbətlər aparılır. Xəsətliyin yayılmaısnın hələ də davam etdiyi əhaliyə çatdırılır. Vətəndaşlara zərurət olmadıqda çölə çıxmamaları tövsiyyə olunur. Çölə çıxdıqda isə tibbi maskadan istifadə etməkləri tövsiyyə olunur.

Sakinlərə bu həssas zamanda diqqətli olmaq, gigiyenik qaydalara riayət etmək tövsiyə edilir. Polis əməkdaşları piyadalarla yanaşı sürüclərə də maska paylayırlar.

Natiq Hüseyn