"Dərslərin dayandırılması ilə bağlı sərəncam var və hər kəs buna əməl etməlidir". Bunu Nazirlər Kabinetinin mətbuat xidmətinin rəhbəri İbrahim Məmmədov repetitor hazırlıqlarının davam etməsinə münasibət bildirərkən deyib. O,bu məqamda həm valideynləri, həm də müəllimləri məsuliyyətli olmağa çağırıb.

İbrahim Məmmədov Nazirlər Kabinetinin mətbuat xidmətinin rəhbəri:Bəzən deyirlər ki, evdə iki tələbədir, müəllimdir, özləri vəziyyətə nəzarətə edirlər. Sərəncam var və qeyd olunub ki, bütün təlim, təhsil, tərbiyə müəssisələrində tədris prosesi dayandırılıb. Bu, kifayətdir ki, vətəndaşlar ehtiyatlı olmalıdır. İnsanlar özləri də bu məsələyə çox ciddi yanaşmalıdırlar. Sərəncamlarla, qadağalarla həyatın bütün situasiyalarını nəzərə almaq mümkün deyil.