Tibb universitetinin tələbəsi Nelson qrup yoldaşlarını dilə tutaraq onları olduqca təhlükəli eksperimentə cəlb edir. O öz üzərində bir dəqiqə müddətinə kliniki ölüm keçirmək istəyir. Dəqiqə tamam olan kimi dostları onu reanimasiya edib həyata qaytarmalıdırlar. Nelson ölümdən sonra həyatın olub olmadığını öyrənmək istəyir. Apardığı eksperimentin də başlıca məqsədi budur. Ancaq bir müddətdən sonra dostları da kliniki ölüm həyəcanını yaşamaq istəyir. Onlar hətta riskə gedib kliniki ölüm vaxtını uzatmağa cürət edirlər. Çox keçməmiş onların gözlərinə qarabasmalar görünür. Onlar tədricən bunun sadəcə hallüsinasiyalar deyil, onları təqib edən keçmişlə bağlı reallığın bir hissəsi olduğunu anlamağa başlayırlar...

Rejissor: Coel Şumaher

Rollarda: Culiya Roberts, Kifer Sazerlend