Abituriyentlərə kömək məqsədi ilə Dövlət İmntahan Mərkəzinin Regional bölmələrində, o cümlədən Gəncədə məsləhət mərkəzi yaradılıb.

İxtisas seçimi bütün qruplar üzrə avqustun 6-dək internet vasitəsilə aparılır. Abituriyentlər ali təhsil müəssisələrinin imtahan verdikləri ixtisas qrupuna aid olan 15-dək ixtisas kodunu DİM-in saytında yerləşən “Abituriyentin elektron ixtisas seçimi ərizəsi”nə daxil edib təsdiqləməlidirlər.

Nəsimi Məmmədov - DİM Gəncə Regional Bölməsinin müdiri: Əvvəlki illərdən fərqli olaraq abituriyentlərin bu il ixtisas seçimi mərhələsində dövlət tərəfindən müəyyən ixtisaslarda plan yerlərinin sayı artılıb. Abituriyentlər ixtisas seçimini edərkən mütləq abituriyent 4 jurnalında plan yerlərinə nəzər yetirməlidirlər. Əvvəliki illərin keçid ballarına baxmalıdılar.

Abituriyentlər, müsabiqə şərtlərini ödədikləri halda, eyni vaxtda 3 ixtisas qrupu - I-IV ixtisas qruplarının hər hansı ikisi və V ixtisas qrupu üzrə müsabiqədə iştirak edə bilərlər. İxtisas kodlarını, onların sayını və ardıcıllığını abituriyent özü müəyyənləşdirir. Hər hansı bir çətinliklə rastlaşdıqda isə Dövlət İmtahan Mərkəzinin regional bölmələrində yaradılan məlumat mərkəzinə müraciət etmək olar.

Nəsimi Məmmədov - DİM Gəncə Regional Bölməsinin müdiri: Bu məsləhət mərkəzləri iş günləri müddəti səhər saat 9-dan axşam saat 5-ə kimi fəaliyyət göstərəcək. Hər bir abituriyent həmin məsləhət mərkəzlərinə müraciət edə bilərlər. Məsləhət mərkəzləri region üzrə bir gün rayonlarda aparılacaqdı. Onların qrafiki DİM rəsmi internet səhifəsində yerləşdirilib.Rayonlarda yaşayan abituriyentlər regional mərkəzə müraciət etmədən məsləhətə mərkəzlərinin vaxtlarını götürərək həmin rayonda keçiriləcək məsləhət mərkəzində müraciət edə bilərlər.

Həyət Məmmədli - abituriyent: Şah İsmayıl Xətai adına 13 saylı orta məktəbi bitirdim. 294 bal toplamışam. Bura gəlməkdə məqsəd o idi ki, məsləhət aldım. ADAU-nun tələbəsi ola bilirəm.

Qabil Məhəmmədxanlı - abituriyent: 85 balla İqtisadiyyat Universtetinin dizayn üzrə ixtisasına qəbul olmuşam. Bura məsləhətə gəlmişəm. Məsləhətimi aldım, gedib kodlaşdırıacam.

Gəncədə yerləşən ali məktəblərdən ADAU-da 2019-2020-ci tədris il üçün 30 ixtisas üzrə 1485 plan yeri ayrılıb. Onlardan 1385- əyani şöbədədir.

Telman Musayev - ADAU-da sənəd qəbulu üzrə məsul şəxs: Bizim universtetdə yalnız 1, 2 və 4-cü ixtisaslar üzrə mütəxəsislər hazırlanır.Keçən il biz 1320 nəfər planlaşdırmışdıq. Bu isə bəzi ixtisaslarda qəbul planını artırmışıq. Çünki ora təlabat daha çoxdu.

Bu tədris ili üçün Azərbaycan Texnologiya Universitetində 21 ixtisas üzrə 980 plan yeri ayrılıb ki, bunun da 880-i əyani, 100-ü isə qiyabidir. Gəncə Dövlət Universitetində isə abituriyentlərə 40 ixtisas üzrə 1685 plan yeri təklif edilir.

Elnur Vahidoğlu