Sabah futbol üzrə Azərbaycan I Divizonunda 24-cü turun oyunları keçiriləcək. Qarşıdakı tur çərçivəsində “Kəpəz” Bakı səfərində “Səbail”in ikinci komandası ilə qarşılaşacaq. Kollektivlər turnir cədvəlində autsayderlər mövqeyinə yaxın yerlərdə qonşudurlar. Tərəfləri bir-birindən cəmi 1 xallıq fərq və 1 pillə ayırır. Gənc klubu "zəhmət güzgüsündə" 19 xalla 11-ci, rəqib isə 20 xalla 10-cu yerdə qərar tutub. “Səbail” ilə oyun öncəsi “Kəpəz”in heyətində itkilər var. Cəza səbəbindən Elcan Rəhimovun görüşü buraxacağı dəqiqdir. Zədəsi olan kapitan Əli Səmədov, Eltac Mirzəyev və Ruslan Süelymanovun durumu isə qeyri-müəyyəndir.