Chevrolet şirkəti Silverado pikapını yeniləyib, bununla belə ətraflı məlumat vermir. Avtomobillə yanvar ayında Detroytr avtoşousunda yaxından tanış olacağıq. Pikapın ön hissəsinin dizaynı tamamilə dəyişib. Şirkətdə bu maşını çox güclü və daha müasir model adlandırırlar. Silveradoda baş optik işıq diodlu faralar və fərqli radiator barmaqlığı peyda olub. Həmçinin arxa fənərlər, yeni arxa bamper və düzbucaqlı bir cüt borusu olan eqzoz sistemi və üzərində iri Chevrolet yazısı olan baqaj qapısı yeniliklər arasındadır. Gördüyümüz kadrlar Trailboss modifikasiyasına aiddir. Cəmi 8 ədəd buraxılacaq bu pikapın model ili 2019-dur. Özəllik klirensin 51 millimetr artması, radiator barmaqlığında düzəlişlər edilməsi, təkər diskləri və qara bamperlərdir. Restaylinqə qədərki, Silverado pikapı ABŞ-da 28,2 min dollara satılır.

Cavanşir Məmmədzadə