Belə ki, İmişli rayon Çaxırlı kəndindən olan bir neçə sakin polisə ərizə ilə müraciət edərək iribuynuzlu heyvanlarının oğurlandığını bildirib. Dərhal əməliyyat- axtarış işlərinə başlanılıb. Çox keçmədən oğurluğu etməkdə şübhəli bilinən 3 nəfər saxlanılıb. Məlum olub ki, onlar Çaxırlı kəndi ərazisindəki örüş sahəsindən Şahin Əliyevə məxsus 2 baş, Şəmsəddin Mehdiyevə məxsus 1 baş, Bərxuda Ağayevə məxsus 1 baş, Əlniyaz Əliyevə məxsus 2 baş və Elxan Şirinova məxsus 1 baş iribuynuzlu heyvanı oğurlayıblar. Faktla bağlı araşdırma aparılır. Bu əməli törətməkdə şübhəli bilinən şəxslərin digər cinayətlərdə iştirakının olub-olmadığı müəyyənləşdirilir. 

Etibar Cəbrayılov- İmişli RPŞ-nin istintaq bölməsinin müstəntiqi: “Cəbrayıl rayon sakinləri-Məmişov Fuad Polad oğlu, Həsənli Qalib İnqilab oğlu və Paşalı Arzu Əli oğlu qabaqcadan əlbir olub, cinayət əlaqəsinə girərək 27 may 2017-ci il tarixdə saat təxminən 15 radələrində İmişli rayonunun Çaxırlı kəndində yerləşən çöl otlaq sahəsindən cəmi 7 baş qara malı oğurlayıb, Məmişov Fuad Polad oğlunun idarə etdiyi “QAZ-53” markalı yük avtomobilinə yükləyərək Biləsuvar rayon mal bazarına aparıb, orada satmaqla zərərçəkmiş şəxslərə xeyli miqdarda ziyan vurmuşlar”.

Zülfiyyə Telımanqızı