Göygöl rayonunda da yol-nəqliyyat hadisəsi olub. Hərəkətdə olan “VAZ 2103” markalı avtomobillə “Mersedes” markalı avtomobil toqquşub. Qəza zamanı VAZ-da olan Göygöl rayon Topalhəsənlli kənd sakini 68 yaşlı Behbud Məhərrəmov, həyat yoldaşı 52 yaşlı Adilə Məhərrəmova və 50 yaşlı Şüküfə Camalova müxtəlif bədən xəsarətləri ilə Gəncə şəhər TTYX-ya yerləşdiriliblər. Yaralılara tibbi yardım göstərilib, vəziyyətləri orta ağırdı. Faktla bağlı araşdırma aparılır. 

Elnur Vahidoğlu