İsveçrənin Nyon şəhərində keçiriləcək tədbirdə Çempionlar Liqasının püşkatma mərasimi Bakı vaxtı ilə saat 15:00-da başlayacaq. Qitənin ikinci dərəcəli klub turnirinin cütlükləri isə saat 16:00-da məlum olacaq.

Hər iki turnirdə übarizəni davam etdirən 8 komanda 4 cütlüyə bölünəcək. Kor püşk atıldığından istənilən komanda istənilən rəqiblə üz-üzə gələ bilər.

Bu mərhələdə Çempionlar Liqasında 5 ölkə, yalnız “Böyük beşlik” komandaları çıxış edir. 1/4 finalda İspaniya 3, Almaniya 2, Fransa, İtaliya və İngiltərə 1 komanda ilə təmsil olunacaq.

Avroliqada 7 ölkə təmsilçisi iştirak edir. Növbəti mərhələdə yalnız Belçika 2 komanda ilə təmsil olunacaq. Qonşu Türkiyənin mübarizəni davam etdirən yeganə komandası “Beşiktaş”ın da rəqibi Nyonda bəlli olacaq.

Qeyd edək ki, ÇL-də 1/4 finalında ilk oyunları 11-12 aprel, cavab görüşləri isə 18-19 aprel tarixlərində, Avroliqanın 1/4 final matçları isə aprelin 13-də və 20-də oynanılacaq.

Çempionlar Liqası

1/4 final

(11/12 və 18/19 aprel)

“Atletiko” (İspaniya)

“Barselona” (İspaniya)

“Real” (İspaniya)

“Bavariya” (Almaniya)

“Borussiya” (D, Almaniya)

“Lester” (İngiltərə)

“Yuventus” (İtaliya)

“Monako” (Fransa)

Avropa Liqası

1/4 final

(13 və 20 aprel)

“Beşiktaş” (Türkiyə)

“Mançester Yunayted” (İngiltərə)

“Lion” (Fransa)

“Şalke” (Almaniya)

“Selta” (İspaniya)

“Anderlext” (Belçika)

“Genk” (Belçika)

“Ayaks” (Hollandiya)

Orxan Cəfərzadə