Futbol üzrə İtaliya kubokunun yarımfinal mərhələsi davam edir. İkinci yarımfinal oyununda Roma derbisi olub. Paytaxtın Olimpiya stadionunda “Latsio” və “Roma” münasibətlərinə aydınlıq gətiriblər. Qarşılaşma nominal meydan sahiblərinin - “Latsio”nun qələbəsiylə nəticələnib. Simone İnzaqinin yetirmələri cavab oyunundan öncə sərfəli sayılan 2:0 hesablı qələbəyə seviniblər. Sergey Saviç və Çiro İmmobilenin qolları ağ-mavilərə qalibiyyət gətirib. Yarımfinalın cavab oyunu aprelin 5-də keçiriləcək.

İtaliya kuboku, yarımfinal, ilk oyun

1 mart

Latsio - Roma 2:0

Qol: Milinkoviç-Saviç, 30. İmmobile, 78.

Azad Rəfi