Futbol üzrə İtaliya A seriyasında 24-cü turun oyunları keçirilir. Lider Yuventusu addım-addım izləyən Roma Krotoneylə görüşüb. Oyunun əvvəlində paytaxt klubu hesabı xeyrinə dəyişməyə yaxın olsa da, Edin Ceko penaltini qaçırıb. Ruhdan düşməyən canavarlar 40-cı dəqiqədə istəklərinə çatıblar. Naynqolan adını tabloya yazdırıb. 77-ci dəqiqədə isə Ceko səhvini düzəldərək oyunun yekun nəticəsini müəyyənləşdirib. 2-0.

Çempionatın digər oyununda İnter evdə Empolini sınağa çəkib. Milanlılar vurduqları iki cavasız qolla meydandan qalib ayrılıb və yanaşı 4-cü pilləni də ələ keçiriblər. 14-cü dəqiqədə Eder fərqlənməklə diqqətləri üzərinə çəkib. 54-cü dəqiqədə meydan sahibləri ikinci dəfə azarkeşlərini sevindirib. Antonio Kandreva qapıya düşməklə oyunda sonuncu qolun müəllifi olub.

Lider Yuventus da Kalyari səfərində qələbə qazanıb. Rəqibinə 2 cavabsız qolla qalib gələn Qoca Sinyora Romayla arasında 7 xallıq fərqi qoruyub. Qonzalo İquain 37 və 48-ci dəqiqələrdə meydan sahiblərinin kefini pozaraq turinlilərin qələbəsinin əsas memarı olub.

İtaliya A seriyası

XXIV tur

10 fevral

“Napoli” – “Cenoa” – 2:0

Qollar: Zielinski, 50, Qiaççerini, 68

11 fevral

“Fiorentina” – “Udineze” - 3:0

Qollar: Valero, 41, Babakar, 62, Bernardeski, 80 (pen.)

 12 fevral

“Krotone” – “Roma” - 0:2

Qollar: Naynqolan, 40, Ceko, 77

“İnter” – “Empoli” - 2:0

Qollar: Eder, 14, Kandreva, 54
 

“Sassuolo” – “Kyevo” - 1:3

Qollar: Matri, 24 - İngels, 39, 56, 67
 

“Torino” – “Peskara” - 5:3

Qollar: Falke, 2, Ayeti, 9, Belotti, 15, 61, Lyayiç, 53 - Ayeti, 73 (öz qapısına), Benali, 75, 83
 

“Palermo” – “Atalanta” - 1:3

Qollar: Çoçev, 45 - Konti, 19, Qomez, 54, Kristante, 79
 

“Sampdoriya” – “Bolonya” - 3:1

Qollar: Muriel, 82, Şik, 83, Mbaye, 88 (öz qapısına) - Cemaili, 18

“Kalyari” – “Yuventus” - 0:2

Qollar: İquayn, 37, 47

13 fevral

23:45 “Latsio” – “Milan”

Orxan Cəfərzadə