Prezident İlham Əliyev korrupsiya ilə bağlı hüquqpozmalar barədə məlumat verən şəxslərin müdafiəsini gücləndirən qanun dəyişikliklərini təsdiqləyib. Yeni qaydalara əsasən, məlumat verən şəxsə və ya onun yaxınlarına hədə-qorxu gəlmək, təzyiq göstərmək, təhqir etmək və ya qisas məqsədilə işdən çıxarmaq, vəzifədən uzaqlaşdırmaq və digər mənfi tədbirlər görmək qadağan edilir. Qanunla həmçinin dövlət orqanlarında korrupsiya ilə bağlı məlumatların qəbul edilməsi və araşdırılması üçün xüsusi səlahiyyətli struktur bölmələrinin yaradılması nəzərdə tutulur. Hüquqlarının pozulduğunu hesab edən şəxslər isə yuxarı vəzifəli şəxsə və ya məhkəməyə müraciət edə biləcəklər.