Aİ Şurasının prezidenti Antonio Koşta İrəvanda keçirilən Ermənistan-Aİ sammitinin yekunlarında çıxış edərək Azərbaycan və Ermənistan arasındakı münasibətlərdə “yeni atmosfer” yarandığını bildirib.O, xüsusilə Prezident İlham Əliyevin Avropa Siyasi Birliyi sammitində iştirakını bu dəyişən mühitin göstəricisi kimi qiymətləndirib.Koştanın sözlərinə görə, sabit və firavan Cənubi Qafqaz Ermənistanın gələcəyi üçün əsas şərtdir və Avropa İttifaqı regionda sülh və normallaşma proseslərini dəstəkləməyə davam edəcək. O, həmçinin bu əməkdaşlığın davamlı inkişaf və regional sabitlik üçün vacib olduğunu vurğulayıb.Bəyanat zamanı Ursula fon der Lyayen də prosesə dəstək ifadə edib və Aİ-nin region ölkələri ilə əməkdaşlığı davam etdirəcəyini qeyd edib.