COP29-dan sonra WUF13-ə ev sahibliyi etmək Azərbaycanın beynəlxalq səviyyədə etibar qazandığını göstərir. Bu barədə Milli Məclisin sədri Sahibə Qafarova Qoşulmama Hərəkatı Parlament Şəbəkəsinin İstanbulda keçirilən 5-ci Konfransında deyib.Sədr qeyd edib ki, 2026-cı ilin Azərbaycanda “Şəhərsalma və Memarlıq İli” elan olunması bu sahəyə verilən önəmin göstəricisidir.Onun sözlərinə görə, hazırda Qarabağ və Şərqi Zəngəzurda genişmiqyaslı bərpa və quruculuq işləri aparılır, “ağıllı şəhər”, “yaşıl enerji zonası” və “sıfır tullantı” kimi müasir yanaşmalar tətbiq olunur. WUF13 tədbiri də Yeni Şəhər Gündəliyinin icrasına dair aralıq qiymətləndirmə olacaq və 2036-cı ilə qədər əsas prioritetlər müəyyənləşdiriləcək.Sahibə Qafarova üzv ölkələri forumun işində fəal iştirak etməyə çağırıb.