"Qarabağ"ın baş məşqçisi Qurban Qurbanov UEFA Çempionlar Liqasının pley-off mərhələsində İngiltərənin "Nyukasl" klubuna qarşı keçiriləcək ilk oyun öncəsi fikirlərini bölüşüb.
Qurban Qurbanov - "Qarabağ"ın baş məşqçisi:“Komandaların ümumi durumuna baxsaq, bu gün favorit Nyukasldir. Amma biz minimum Bakıda qalib gəlmək istəyirik. Bunun üçün hazırlaşırıq. Futbolda bəzən çox maraqlı nəticələr olur. Biz də istərdik ki, həmin maraqlı nəticələrin sırasına daxil olaq. Çəkinmədən meydana çıxacağıq. Baxmayaraq ki, qarşımızda çox intizamlı kollektiv var. Mən çox istəkliyəm, komandam da bu oyunda qalib gəlmək üçün çox istəklidir. Ümumi nəticənin necə olacağını isə, təəssüf ki, deyə bilməyəcəyəm”.
Görüş bu gün saat 21:45-də Tofiq Bəhramov adına Respublika stadionunda start götürəcək. "Qalatasaray"ın baş məşqçisi Okan Buruk da dünən "Yuventus" üzərində parlaq qələbədən sonra "Qarabağ"a dəstək nümayiş etdirərək uğurlar arzulayıb. Biz də doğma "Qarabağ"a uğurlar arzularıyıq!