İtaliya-Azərbaycan Ticarət Palatasının prezidenti Manuela Traldi, Romada keçirilən “Qafqazdan Aralıq dənizinə” konfransında bildirib ki, Azərbaycan İtaliyada enerji, infrastruktur və bərpa olunan enerji sahələrində mühüm investisiyalar həyata keçirir. O vurğulayıb ki, bu əməkdaşlıq artıq strateji tərəfdaşlıq xarakteri alır və gələcəkdə daha da genişlənəcək.Azərbaycanın İtaliyadakı səfiri Rəşad Aslanov isə qeyd edib ki, İtaliya Azərbaycanın əsas ticarət tərəfdaşıdır, enerji sektoru dövriyyənin 45%-ni təşkil edir və Azərbaycan İtaliyanın bir nömrəli neft, ikinci nömrəli qaz təchizatçısıdır. Səfir əlavə edib ki, 2026-cı ildən Azərbaycan qazı Almaniya və Avstriyaya da çatdırılacaq.