Qarabağ iqtisadi rayonunun dörd şəhərində ictimai nəqliyyat sisteminin yaradılması planlaşdırılır. Bu barədə Yerüstü Nəqliyyat Agentliyinin departament rəhbəri Fuad Cəfərli III Milli Şəhərsalma Forumunda məlumat verib. Onun sözlərinə görə, layihənin 2025–2026-cı illəri əhatə edən birinci mərhələsi demək olar ki, tamamlanıb. Gələn ilin əvvəlində region üçün 14 yeni avtobus istehsal olunacaq, Laçında isə sərnişin və turizm məqsədli kanat yolunun tikintisi nəzərdə tutulur.