Kopenhagendə keçirilən “Avropa Siyasi Birliyi”nin Zirvə toplantısı çərçivəsində Prezident İlham Əliyev İtaliyanın Nazirlər Şurasının sədri Corcia Meloni ilə görüşüb. Görüşdə Azərbaycanla İtaliya arasında strateji tərəfdaşlığın uğurla inkişaf etdiyi vurğulanıb. Enerji əməkdaşlığı, Azərbaycanın İtaliyanın enerji təhlükəsizliyinə töhfəsi, eləcə də investisiya, mədəniyyət və humanitar sahələrdə əməkdaşlıqdan məmnunluq ifadə olunub.