Müasir şəraitli binada tədris və təlimin həyata keçirilməsi planlaşdırılan kollec peşəkar aqrar mütəxəssislərin yetişdirilməsinə tövhə verəcək. Burada tələbələrin nəzəri biliklərlə yanaşı praktiki biliklərini də artırmaq üçün hər cür şərait var. Aqrar kollecdə müasir avadanlıqlarla təchiz olunan kimya, fizika, aqronomluq, torpaqşünaslıq və nəqliyyat vasitələri ilə bağlı laboratoriyalar, eyni zamanda simulyasiya otaqları yaradılıb. Bundan başqa tədris dövründə yeməkxana və idman zalı da tələbələrin ixtiyarına veriləcə‸k. Qısacası təhsil ocağı ayrı-ayrı ixtisaslar üzrə keyfiyyətli təhsil üçün bütün imkanlara malikdir. Bəs kollecdə tələbələr hansı ixtisaslar üzrə təhsil ala biləcəklər?

Fəqan Ağayev - Gəncə Dövlət Aqrar Kollecinin direktoru: Aqronomluq, aqrar fermer işinin təşkili, meşə-park, nəqliyyat vasitələrinin istifadəsi, sahələr üzrə elektrik işi, istixana işinin təşkili, baytarlıq, zoomühədislik və digər bu kimi 12 ixtisasdan ibarət bu il qəbulmuz elan olunub.

Maddi-texniki bazasına görə aqrar kollec regionda ən yaxşılardandır. Burada ən yüksək səviyyədə təhsil üçün hər şey düşünülüb.

Fəqan Ağayev - Gəncə Dövlət Aqrar Kollecinin direktoru: Bizdə mövcud olan maddi-texnik baza region kolleclərinin demək olar ki, heç birində yoxdur. Burada bütün avadanlıq yenidir, hamısı müasir standartlara cavab verir, bütün siniflərdə intyeraktiv lövhələrdən istifadə olunur, avadanlıqlarımız son tələblərə, tədrisə ehtiyac olan göstəricilərə malikdir.

Gəncə Dövlət Aqrar Kollecini seçən namizədlərin üstünlükləri də var. Onlar gələcəkdə ali təhsil almaq üçün də şans qazanırlar.

Fəqan Ağayev - Gəncə Dövlət Aqrar Kollecinin direktoru: Təhsilin davamlılığı məsələsi var. Biz düşünürük ki, tələbələr əgər sırf olaraq gələcəyini aqrar sahədə görürlərsə və aqrar sahədə mütəxəssis olmaq istəyirlərsə onlar biliklərini və bacarıqlarını ilk olaraq kollecdən təməl bilgilərə sahib olaraq əldə edə bilərlər. Gəlcəkdə yüksək nəticələr toplamış olarlarsa subbakalavr kimi aqrar təhsillərini digər universitetlərlə yanaşı Aqrar niversitetdə də davam etdirə bilərlər.

İlk dəfə qəbulun aparılacağı kollecə 11 illik təhsil bazasını bitirən namizədlər üçün 270 yer ayrılıb. Gələcəkdə ixtisasların və qəbul sayının artırılması nəzərdə tutulur.