Gəncə Dövlət Filarmoniyasında Azərbaycan Bəstəkarlar İttifaqının 90 illiyinə həsr olunan səyyar plenum keçirilib. Plenumda Azərbaycan bəstəkarlarının əsərlərindən ibarət Kamera musiqi konserti baş tutub. Konsert proqramında əməkdar artist Fəridə Məmmədova, əməkdar müəllim Lalə Cəfərova, beynəlxalq müsabiqələr laureatları Zakir Əsədov və başqaları iştirak ediblər. Çıxışlar zamanı Qara Qarayevin “Prelüdlər”, “Mən sizi sevirdim” romansları, Niyazinin “Rast” simfonik muğamından fraqmentlər səsələndirilib. Həmçinin Firəngiz Əlizadənin “İmplus”- violin və piano üçün pyesi tamaşaçılara təqdim olunub.

Aişə Rzayeva