NASA astronavtların Ayın cənub qütb bölgəsində naviqasiyasına imkan verəcək "Lunar Terrain Vehicle"ın hazırlanması üçün üç özəl şirkət seçib.

NASA-nın planına görə, onlardan biri 2030-cu ilə planlaşdırılan missiyanın bir hissəsi kimi istifadə olunacaq. Seçim "Intuitive Machines", "Lunar Outpost" və "Venturi Astrolab"a düşüb. Bu şirkətlərin hər biri qarşıdakı 12 ay ərzində öz Ayda gəzinti konseptini hazırlayacaq. Bundan sonra şirkətlər işləyən prototip yaratmaq hüququ uğrunda yarışacaqlar. Sonda NASA işə salınacaq yalnız bir qalibi seçəcək.

Şirkətlər inkişaflarının necə olacağını da göstəriblər. Bu, hazırda ilkin dizayndır: faktiki nəqliyyat vasitələrinin görünüşü fərqli ola bilər. Ehtimal olunur ki, belə avtomobil 15 km/saat sürət yığa biləcək və astronavtlara səkkiz saat ərzində tək şarjla idarə etmək imkanı verəcək.