Azərbaycan və Rusiya iki ildən bir az çoxdur ki, qarşılıqlı müttəfiqlik çərçivəsində əməkdaşlıq edir. Bunu Prezident İlham Əliyev Rusiya Hökumətinin sədri Mixail Mişustin ilə görüşdə deyib. Dövlət başçısı iqtisadi- ticari sahədə də 17 faizlik artım olduğunu bildirib və nəticələri tam qənaətbəxş adlandırıb. Şimal-Cənub Beynəlxalq Nəqliyyat Dəhlizinin ölkələrimizi birləşdirən layihə kimi qeyd edən prezident İlham Əliyev bir sıra sahələri əhatə edən əməkdaşlıq əlaqələrinə diqqət çəkib. Keçid məntəqələrində daşıma gücünün 5 dəfə artdığını söyləyən qonaq Mixail Mişustin isə bunu birgə böyük sistemli iş adlandırıb.