Gəncədə yeni salınan yaşayış massivlərinin qazlaşdırılması davam edir. 4 qəsəbədə küçələrin qaz şəbəkəsinə qoşulması işləri görülür. Ümumilikdə 4 km-ə yaxın yeni xəttlər çəkilib, qaztənzimləyici siyirtmələr quraşdırılıb. Boruların çəkilişi yekunlaşdıqdan sonra ev birləşmələri aparılaraq sayğacların quraşdırılması təmin ediləcək. Bununla paralel olaraq bəzi küçələrdə köhnə və istismar müddətini başa vuran xətlərin də yenilənməsi həyata keçirilir. Ötən il Gəncə Regional Qaz İstismar idarəsi tərəfindən ümumilikdə 42 min metrə yaxın yeni qaz xətti çəkilib. 5 minə yaxın abonent mavi yanacaqla təmin olunub.

Eldəniz Vəliyev- “Azəriqaz” İstehsalat Birliyinin İctimayyətlə əlaqələr şöbəsinin rəisi: “Burada qazlaşma səviyyəsi göz qabağındadır. Hazırda Gəncədə bir neçə qəsəbədə bizim çox ciddi şəkildə işlərimiz gedir. Konkret olaraq Natavan, Məhsəti, Cavadxan eyni zamanda Sevinc qəsəbələrində qazlaşma prosesi icra olunur. Rayon və şəhərlərdə olduğu kimi, Gəncədə də davamlı olaraq qazlaşmanın icra olunması planlaşdırılır”.

Şəmistan Nağıyev- sakin: Bizim üçün də problem idi. Qaz olmayanda ağacları kəsib, yandırırsan, ekologiyaya ziyan vurursan. İndi normaldır, təzələnir. Sağ olsunlar, dövlətimizə minnətdarıq”.

Əhməd Məmmədov- sakin: “Qaz olmayanda ağacları kəsirdik. İndi qazımız olacaq, çox şükür”.

Elnur Rzayev