Füzuli şəhərinə növbəti köç karvanı yola düşüb. Respublikanın müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət köç karvanı Bakıdan yola salınıb. Bu mərhələdə Füzuli şəhərinə daha 24 ailə - 77 nəfər köçürülüb. İndiyədək Füzuli şəhərinə 332 ailənin, yəni 1183 nəfərin daimi məskunlaşması təmin edilib.