Prezident İlham Əliyev Malayziyanın ölkəmizdə yeni təyin olunmuş səfiri Ahmad Kamrizamil Bin Mohd Rzanın etimadnaməsini qəbul edib. Söhbət zamanı ölkələrimiz arasında turizm sahəsində əməkdaşlıq, mədəni-humanitar münasibətlərin genişləndirilməsi məsələləri müzakirə olunub, birbaşa aviareyslərin həyata keçirilməsi, Azərbaycan-Malayziya iqtisadi əlaqələrinin genişləndirilməsi üçün hökumətlərarası komissiyanın yaradılması məsələlərinə toxunulub.