Füzuli şəhərinə növbəti köç karvanı yola salınıb. Abşeron rayonunda, Bakı və Sumqayıt şəhərləri ərazisindəki yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşan keçmiş məcburi köçkünlərdən ibarət növbəti köç karvanı paytaxtdan yola düşüb. Bu mərhələdə Füzuli şəhərinə daha 25 ailə - 106 nəfər köçürülür. İndiyədək Füzuli şəhərində 308 ailənin, yəni 1106 nəfərin daimi məskunlaşması təmin edilib.