İslam Əməkdaşlıq Təşkilatı əmək Mərkəzinin Baş Assambleyasına sədrlik Azərbaycana həvalə olunub, müavin isə Səudiyyə Ərəbistanı Krallığı seçilib. Bunu əmək və əhalinin sosial müdafiəsi naziri Sahil Babayev Bakıda İslam Əməkdaşlıq Təşkilatına üzv dövlətlərin əmək nazirlərinin 5-ci konfransı çərçivəsində Əmək Mərkəzinin açılışında bildirib. Əmək Mərkəzinin əsas fəaliyyət istiqamətləri əmək, məşğulluq, sosial müdafiə və insan kapitalının inkişafı sahəsində üzv ölkələrin əməkdaşlığının genişləndirilməsi olacaq.