Şuşada birinci Beynəlxalq TÜRKSOY Teatr Festivalı təşkil ediləcək. Mədəniyyət Nazirliyinin məlumatına görə, festival oktyabrın 31-dən noyabrın 4-dək olacaq. Tədbir Heydər Əliyevin 100 illik yubileyi və Şuşanın "Türk dünyasının mədəniyyət paytaxtı" elan edilməsi münasibətilə keçiriləcək. Həmçinin Azərbaycan peşəkar milli teatrının yaradılmasının 150 və TÜRKSOY-un 30 illik yubileylərinə həsr olunacaq. Şuşada TÜRKSOY-a üzv ölkələrin dövlət teatrları rəhbərləri şurasının 9-cu toplantısının da keçirilməsi planlaşdırılır.