Son iyirmi ildə ölkəmiz bir sıra mühüm regional layihələrin təşəbbüskarı və iştirakçısı kimi çıxış edib. Onların sırasında Bakı-Tbilisi-Ceyhan neft boru kəmərini, Cənub Qaz Dəhlizini , Bakı-Tbilisi-Qars dəmir yolu xəttini, Bakı Beynəlxalq Dəniz Ticarət limanını qeyd etmək olar. Bunu Azərbaycan Baş naziri Əli Əsədov Tbilisi Beynəlxalq İpək Yolu Forumunun açılış mərasimində deyib. Onun sözlərinə görə, bütün bu təşəbbüslər ölkəmizə Orta Dəhlizlə daşımalara artan tələbi qarşılamağa imkan verib. "Bu dəhliz dünya miqyasında ən təhlükəsiz və operativ dəhlizlərdən birinə çevrilə biləcək” - deyə baş nazir əlavə edib.