“Qarabağ”ın baş məşqçisi Qurban Qurbanova ədalətli oyun prinsiplərinə görə verilən ən nüfuzlu idman mükafatı “Jean Borotra World Fair Play Career” ilə təqdim olunub. Təcrübəli mütəxəssis mükafatı Beynəlxalq Feyr-Pley Komitəsinin Macarıstanın paytaxtı Budapeştdə təşkil olunan təqdimetmə mərasimində alıb. Qurbanov karyerası ərzində ədalətli oyun prinsiplərinə sadiqliyinə görə verilən bu mükafata layiq görülən ilk azərbaycanlı kimi tarixə düşüb. Komandamızın baş məşqçisinin mükafata təqdimatı Azərbaycan İdman Jurnalistləri Assosiasiyasının tərəfindən gerçəkləşib. Komitə onun bir dəfə deyil, karyerası boyu ədalətli oyun prinsiplərinə sadiq qalmasını nəzərə alıb və Qurbanovu daha nüfuzlu mükafata layiq görüb. Qurbanov UEFA Konfrans Liqasının 2022-ci ildə keçirilən pley-off mərhələsinin “Qarabağ” – “Marsel” matçında İbrahima Vadjinin əllə vurduğu qolu ləğv etdirib. 2015-ci ildə “İnter”lə Premyer Liqa, üç il sonra “Kuban”la yoxlama oyununda hakimlərin səhv penalti qərarından sonra futbolçulara zərbəni qeyri-dəqiq vurmağı tapşırıb.