HAMAS-ın hücumu nəticəsində İsraildə ən azı 4 629 nəfər yaralanıb. Bu barədə İsrail Səhiyyə Nazirliyi məlumat yayıb. Son 24 saat ərzində İsrail Müdafiə Qüvvələri HƏMAS-ın yüzlərlə hədəfinə zərbə endirib. İsrail Silahlı Qüvvələrindən bildirilib ki, şəhərlərdə, qəsəbələrdə və kəndlərdə 347 yerli özünümüdafiə dəstəsi formalaşdıracaq. Oktyabrın 7-də səhər saatlarında İsrail ərazisi Qəzza zolağından raket atəşinə tutulub. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını açıqlayıb.