Gəncə şəhəri, Nizami Gəncəvi prospektində qeydə alınan qəzada 9 saylı xətt üzrə hərəkət edən sərnişin avtobusu əvvəlcə dayanacağa, sonra köşkə çırpılıb. Qəza zamanı köşkdə işləyən 1990-cı il təvəllüdlü Ümid Heydərov yüngül xəsarət alıb. Hadisə yerinə gələn təcili tibbi yardım əməkdaşları xəsarət alan şəxsə yardım göstərib. Sərnişin avtobusunun sürücüsü Qafar Əliyevin sözlərinə görə, qəzaya səbəb avtobusun əyləc sistemində anidən nasazlıq yaranması olub. Qəza zamanı sahibkara ziyan dəyib. Faktla bağlı araşdırma aparılır.

Fərid Mehdiyev