Bu il Azərbaycan ilə Braziliya diplomatik münasibətlərin qurulmasının 30 illiyini qeyd edəcək.  İnanıram ki, birgə səylərimizlə dövlətlərarası əlaqələrimiz xalqlarımızın mənafelərinə uyğun olaraq həm ikitərəfli qaydada, həm də beynəlxalq təsisatlar çərçivəsində bundan sonra da dostluq və əməkdaşlıq məcrasında inkişaf edəcək. Bu barədə Prezident İlham Əliyev Braziliya Prezidenti Luiz İnasio Lula da Silvaya ölkəsinin milli bayramı münasibətilə ünvanladığı təbrik məktubunda qeyd edib.