Gəncəçayının sağ və sol sahilləri, eləcə də çayın məcrası, körpülərin alt hissələrində təmizlik işləri görülüb. Təmizlik çay boyu davam edib və yağan yağışın gətirdiyi tullantılar məcradan təmizlənib. Gəncə şəhər Mənzil Kommunal Təsərrüfat Birliyinin işçiləri çayın məcrasının ətrafında olan məişət tullantılarını, həmçinin çayın hövzəsində olan alaq otlarını bir yerə yığıblar. Ərazidən yığılan məişət tullantıları bir yerə toplanaraq başqa əraziyə daşınıb. Birliyinin əməkdaşları tərəfindən bundan sonra da mütəmadi olaraq bu işlər həyata keçiriləcək.