Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Tovuz və Göygöl rayonu ərazisindəki istirahət mərkəzlərindən ətrafa tullantıların atıldığı və çirkab axıdıldığı müəyyən edilib. Faktlarla bağlı mərkəzlərin icarədar və sahibi barəsində akt, protokol tərtib olunub və qanunamüvafiq tədbirlər görülüb. Gələcəkdə belə hallara yol verilməməsi üçün hər üç obyektin sahibinə məcburi göstəriş verilib.