Gəncə-Daşkəsən Regional Gənclər və İdman İdarəsinin təşkilatçılığı ilə Gəncənin Xan Bağı parkında " İdman Hamı Üçün " adlı əyləncəli İdman tədbiri həyata keçirilib. Tədbirdə müxtəlif musiqili-nümunəvi idman çıxışları təqdim edilib. Əsasən Gəncə Uşaq Evinin və SOS Uşaq Kəndinin sakinlərindən ibarət uşaqlar proqrama qoşularaq, müxtəlif hərəkətləri yerinə yetirərək əyləncəli tədbirdə iştirak ediblər. Əyləncəli idman tədbirinin təşkilində məqsəd əhali arasında bədən tərbiyəsinin kütləviliyinin, idmana marağın artırılması, atletikanın təbliği, sağlam həyat tərzinə çağırış və asudə vaxtın səmərəli təşkilidir.