Azərbaycan musiqi mədəniyyətinin inkişafında xidmətlərinə görə Akif İslamzadə “Şöhrət” ordeni ilə təltif edilib. Prezident İlham Əliyev bununla bağlı müvafiq Sərəncam imzalayıb.

Ölkə başçısının digər sərəncamı ilə Ramiz Ağarza oğlu Məlik “Azərbaycan Respublikası Prezidentinin fəxri diplomu” ilə təltif edilib. O, Azərbaycanda teatr sənətinin inkişafında uzunmüddətli səmərəli fəaliyyətinə görə təltif olunub.