Birləşmiş Krallıq hökuməti Azərbaycanda minalarla mübarizəni dəstəkləmək üçün əlavə maliyyə yardımı ayırıb. Yardımın məbləği 500 min funt sterlinqdir. Bu barədə Böyük Britaniyanın ölkəmizdəki səfiri Ferqus Auld tviterdə paylaşım edib. Bildirib ki, bu vəsait Minatəmizləmə Agentliyi və BMT-nin Azərbaycandakı İnkişaf Proqramı ilə tərəfdaşlıq çərçivəsində mina təmizləmə sahəsində Azərbaycanın potensialının artırılmasına və Böyük Qayıdışın təhlükəsizliyinin təmin edilməsinə yönəldilib.