Prezident İlham Əliyev Elçin Oktyabr oğlu Əmirbəyovun Azərbaycanın Birinci vitse-prezidentinin köməkçisi vəzifəsindən azad edilməsi və Prezidentin xüsusi tapşırıqlar üzrə nümayəndəsi təyin edilməsi barədə sərəncamlar imzalayıb.

Prezidentin daha bir sərəncamı ilə Təhlükə potensiallı obyektlərin təhlükəsiz istismarının təmin edilməsi sahəsində dövlət orqanlarının fəaliyyətinin əlaqələndirilməsi üzrə Koordinasiya Komissiyasının tərkibində dəyişiklik edilib. Komissiyanın sədri Baş nazirin müavini Şahin Mustafayev olub. 

Dövlət başçısının imzaladığı fərmanla isə Tibbi Ərazi Bölmələrini İdarəetmə Birliyi tərəfindən tətbiq edilən cərimələrdən toplanan və həmin qurumun hesabına köçürülən vəsaitdən istifadə qaydası hazırlanacaq.