Botanika sahəsində tanınmış alim Vaqif Novruzovun 80 illik yubileyi çalışdığı Gəncə Dövlət Universitetində qeyd edilib. AMEA-nın müxbir üzvü olan professorun ölkəmizin coğrafi aləminin tədqiqində, o cümlədən floragenetika, geobotanika və digər sahələrdə böyük xidmətləri olduğuna diqqət çəkilib. Gəncə Dövlət Universitetinin Botanika kafedrasının müdiri olan Vaqif Novruzov ömrünün 60 ilini bitki örtüyünün öyrənilməsi və problemlərinin həllinə yönəltmiş tədqiqatlara həsr edib. Alimin elmi axtarışlarının əsas istiqamətini Böyük və Kiçik Qafqaz, Naxçıvan MR-nın bitki örtüyü təşkil edib.