Moskvanın girişində Rostova uzanan avtomobil yolunda hərbi texnika yerləşdirilib, beton maneələr quraşdırılıb. Hərbçilər və polis Rusiya paytaxtına gedən avtomobillərə baxış keçirirlər. Daha əvvəl Moskva şəhərinin meri Sergey Sobyanin şəhərə giriş-çıxış üçün hərəkətin məhdudlaşdırılması ilə bağlı məlumatları təkzib edib. Onun sözlərinə görə, yoxlamaların həyata keçirilməsi üçün tədbirlərin gücləndirilməsi ilə əlaqədar nəqliyyatın hərəkətində çətinliklər yarana bilər.