Daşkəsəndə 58 yaşlı kişiyə balta ilə xəsarət yetirilib. Hadisə rayonun Qabaqtəpə kəndində qeydə alınıb. Daxili İşlər Nazirliyindən verilən məlumata görə, 1965-ci il təvəllüdlü Musa Qurbanov həmkəndlisi ilə mübahisə zəminində hər iki qolundan xəsarətlər alıb. O, xəstəxanaya yerləşdirilib. Zərərçəkmişin dediyinə görə, həmkəndlisi Hüseynov Rizvan mübahisə zəminində balta ilə ona xəsarət yetirib. Faktla bağlı araşdırma aparılır.